समायोजन खबर खोटाङ,
आगलागी हुँदा खोटाङको हलेसी तुवाचुङ नगरपालिकामा दुई घर नष्ट भएको छ । गए राती भएको आगलागीमा हलेसी तुवाचुङ नगरपालिका–५ दुर्छिम रातमाटेका कैलास राई र हर्क राईको घर नष्ट भएको हो । आगलागीबाट बीस लाख बराबरको क्षति भएको छ ।

आगालीबाट बिस्थापित परिवारलाई सोमबार सात बोरा चामल, दुई बोरा चिउरी, पाँच केजी दाल, दुईवटा त्रिपाल, दश/दश पोका नुन तेल, आलु, चाउचाउ, चिनी, चिया, भाँडाकुँडा लगायतका राहत सामग्री प्रदान गरिएको हलेसी तुवाचुङ नगरपालिकाका प्रमुख प्रशासकीय अधिकृत राजकुमार राईले जानकारी दिए । कैलासको घरबाट सुरु भएको आगोले सँगै रहेको हर्कको घर पनि जलेको हो । नजिकै रहेको अन्य चार घर भने स्थानीयले जोगाएको मेयर इवन राईले बताउनुभयो । आगलागीको कारण खुल्न सकेको छैन ।
२०७५ मंसिर १० गते अपरान्ह ३ : ३९ मा प्रकाशित