चिसाङ शेर्पा खोटाङ,

जिल्लाको दक्षिणी भेगका सेवाग्राहीबाट विधुत महशुल लिन मोवाइल काउण्टरको सुरुवात गरिने भएको छ । विधुत प्राधिकरण दिक्तेल वितरण केन्द्रले सेवाग्राहीको समस्यालाई ध्यान दिदैं काउण्टर खोल्ने भएको हो । दक्षिणी भेगका सेवाग्राहीले ८० रुपैयाँ विधुत महशुल तिर्न तीन हजार खर्च गर्नुपर्ने बाध्यता भएकाले खोटेहाङ गाउँपालिका–७ खोटाङबजारमा महशुल बुझाउने मोवाइल काउण्टर सुरु गरिने भएको प्राधिकरणले जनाएको छ ।

प्राधिकरणले त्यस भेगका लागि मोवाईल काउण्टर अति आवाश्यक रहेको टिप्पणी उठाएर केन्द्रमा फायल पठाई सकेको र त्यो तिहारपछि कार्यन्वयन हुने प्राधिकरण दिक्तेल वितरण केन्द्रका प्रमुख राम दिनेस यादवले बताए । दक्षिणी भेगका सेवाग्राहीबाट आएका गुनासा र भौगोलिक बिकटता अनुरुप आगामी मंसिर २३ गतेदेखी काउण्टर सुरुवात गरिने र काउण्टरबाट प्रत्येक महिनाको तीन दिन कारोवार गरिने छ ।

यसअघि, प्राधिकरणले हलेसीमा मोवाइल काउण्टरको व्यवस्था गरेर त्यस भेगका सेवाग्राहीलाई सुविधा दिदै आएको छ । जिल्लामा २०५७ जेठ २ गते तत्कालिन प्रधानमन्त्री गिरिजाप्रसाद कोईरालाले उद्घाटन गरेपछि बल्न थालेको विधुत हालसम्म साविकका ४४ गाविसमा वलिरहेको छ ।

२०७५ कार्तिक १७ गते बिहान ९  :४२ मा प्रकाशित