समायोजन खबर खोटाङ,
हाडनाता करणीमा दोषी ठहर भएका दिक्तेल रुपाकोट मझुवागढी नगरपालिका–१३ नुनथला गैरीका १८ वर्षीय रामु भन्ने साङ्गे शेर्पा कारागार चलान भएका छन् । हाडनाता करणीमा उच्च अदालत बिराटनगर अस्थायी इजलास ओखलढुंगाबाट दोषी ठहर शेर्पा हिजो कारागार चलान भएका हुन् ।

उच्च अदालत बिराटनगर अस्थायी इजलास ओखलढुंगाले २०७४ साल माघ २५ गते ५ वर्ष कैद सजाय सुनाएका शेर्पा बुधबार पक्राउ परेको जिल्ला प्रहरी कार्यालय खोटाङका डिएसपी राजकुमार केसीले बताउनुभयो । जिल्ला अदालत खोटाङले सफाई दिने गरी फैसला गरेकामा उच्च अदालत बिराटनगर अस्थायी इजलास ओखलढुंगाले शेर्पालाई कैंद सजाय हुने फैसला सुनाएको हो ।
२०७५ भदौ १४ गते राती ८ : ३८ मा प्रकाशित