समायोजन खबर खोटाङ, खोटाङको दिक्तेल रुपाकोट मझुवागढी नगरपालिकाले दुई दिन स्वास्थ्य शिविर सञ्चालन गर्ने भएको छ। ओम अस्पताल एण्ड रिसर्च सेन्टर चावहिलको सहयोगमा पुस २६ र २७ गते निशुल्क शिविर सञ्चालन गर्ने भएको हो।

मेयर तीर्थराज भट्टराईका अनुसार शिविरमा मानसिक, मुटु, मिर्गौला, जनरल फिजिसियन, दाँत, नशा, स्त्री रोग, छाला तथा हाडजोर्नीको उपचार हुनेछ। जिल्ला आयुर्वेद अस्पतालमा सञ्चालन हुने शिविरमा इसिजी, एक्सरे, भिडियो एक्सरे, ल्याव टेष्ट सेवा र औषधि वितरण गरिनेछ।