समायोजन खबर खोटाङ, रणभीम गणले आयोजना गरेको निशुल्क स्वास्थ्य शिविरमा १५८ जना नागरिकले सेवा लिएका छन्।हलेसी तुवाचुङ नगरपालिका–१० अर्खौलेस्थित स्वास्थ्य चौकीमा बुधबार आयोजना गरिएको एकदिने शिविरमा ८४ जना महिला र ७४ जना पुरुषले स्वास्थ्य परीक्षण गराएका थिए।
स्वास्थ्य परीक्षण गराएकालाई आवश्यकता अनुसार निशुल्क औषधि पनि वितरण गरिएको रणभीम गणले जनाएको छ। शिविरका लागि जिल्ला अस्पतालले चिकित्सिक र औषधि तथा स्वास्थ्य कार्यालयले प्राविधिक र औषधि सहयोग गरेका थिए।रणभीम गणका गणपति प्रमुख सेनानी केदार प्रसाद लामिछानेको कमाण्डमा आयोजना गरिएको शिविरमा हलेसी तुवाचुङ नगरपालिकाका उपमेयर रमेशकुमार राउत, जिल्ला अस्पताल खोटाङका निमित्त प्रमुख मेडिकल सुपरिटेण्डेन्ट डाक्टर रुपेश संग्रौला, जिल्ला स्वास्थ्य कार्यालका प्रमुख जीवन चौलागाई, अर्खौलेका वडाध्यक्ष अर्जुन पुरी लगायतको उपस्थितति थियो।