समायोजन खबर खोटाङ, गायक रोशन राई र इन्द्रकला राई हिमालय टेलिभिजनबाट प्रसारित रियालिटी सो ‘भ्वाइस अफ नेपाल’को लाइभ राउण्डमा प्रवेश गरेका छन्।

दिप्रुङ चुईचुम्मा गाउँपालिका–७ टेम्माका रोशन तथा दिक्तेल रुपाकोट मझुवागढी नगरपालिका–१४ बुईपाकी इन्द्रकला नकआउट चरण पार गरेर लाइभ राउण्डमा प्रवेश गरेका हुन्।

रोशन टिम मेलिना राईबाट र इन्द्रकला टिम खेम सेञ्चुरीबाट लाइभ राउण्डमा पुगेपछि उनीहरुका समर्थक तथा शुभेच्छुकहरुले सामाजिक सञ्जाल फेसबुक, टिकटकबाट खुशी साटेका छन्। भोट गर्न अपिल गरिरहेका छन्।

लाइभ राउण्डमा पुगेका रोशन र इन्द्रकलालाई खल्ती एपबाट भोट गर्न सकिनेछ। उनीहरुलाई आउने शुक्रबारको अन्तिम प्रस्तुती नसकेसम्म भोट गर्न सकिनेछ। भ्वाइस अफ नेपाल साप्ताहिक रुपमा शुक्रबार र शनिबार राती ८ बजे हिमालय टेलिभिजनबाट प्रसारण हुने गर्दछ।