समायोजन खबर खोटाङ, ११५ औं अन्तर्राष्ट्रिय महिला दिवसको अवसरमा दिक्तेल रुपाकोट मझुवागढी नगरपालिकाले नृत्य प्रतियोगिता गराएको छ।

शनिबार दिक्तेलस्थित समिक्षालय हलमा महिलाहरुको सामूहिक नृत्य प्रतियोगितामा जालपाको ज्योति समूह प्रथम, दिक्तेलको लालीगुराँस समूह दोश्रो र बुईपाको चम्पावती समूह तेश्रो भएको छ।
नृत्य प्रतियोगितामा प्रथम, दोश्रो र तेश्रो हुने समूहलाई क्रमश ९ हजार, ७ हजार, ५ हजार र सान्त्वना हुने दिक्तेलकै समावेशी समूहलाई ३ हजार नगद र प्रमाणपत्र प्रदान गरिएको नगरपालिकाका महिला विकास शाखा प्रमुख इरन राईले बताए।

प्रतियोगितामा १४ समूहले भाग लिएको थियो। भाग लिएका अन्य १० समूहलाई भने यातायात खर्च स्वरुप प्रति समूह १ हजार प्रदान गरिएको छ। नारीहरुको हक अधिकार र राष्ट्रभाव बोल्ने गीतमा नृत्य प्रतियोगिता गराईएको हो।