समायोजन खबर खोटाङ, सुमो दुर्घट्नामा गम्भीर घाईते भएका केपिलासगढी गाउँपालिका–१ फेदीका ७३ वर्षीय दुर्गा प्रसाद राईको मृत्यु भएको छ।

काठमाण्डौबाट फेदीतर्फ जाँदै गरेको ना १ ज ७१८१ नम्बरको सुमो केपिलासगढी गाउँपालिका–३ बासपानीस्थित तापखोलाको राटीमा बुधबार अपरान्ह ३ बजे दुर्घट्ना हुँदा गम्भीर घाईते भएका राईको जिल्ला अस्पताल दिक्तेलमा उपचारको क्रममा मृत्यु भएको हो।

घाइते राईलाई केपिलासगढी गाउँपालिकाको एम्बुलेन्सले जिल्ला अस्पताल उपचारमा ल्याएको थियो। तर, उपचारको क्रममा राईको साँझ ७ बजेर ५३ मिनेट जाँदा मृत्यु भएको प्रहरीले जनाएको छ। मृतक राईको शवलाई पोष्टमार्टम गृहमा राखिएको छ।

बाक्सिलातर्फ जाँदै गर्दा टायरमा बाँसको भाटा अडकिएको र गाडी रोकेर चालकले भाटा निकाल्ने क्रममा अचानक गाडी ब्याग सरी सडकबाट अन्दाजी २०० मिटर तल झरेर दुर्घट्ना भएको थियो। चालक प्रहरी नियन्त्रणमा छ। सुमोमा चालक र मृतक राई मात्रै सवार थिए। दुर्घट्नाबाट सुमोमा पूर्ण क्षति पुगेको छ।