समायोजन खबर खोटाङ, खोटाङको रावाबेशी गाउँपालिका–५ दुवेकोलमा भूपू प्रहरी हवल्दार वीर बहादुर गुरुङको घरमा आगलागी भएको छ।

शनिबार अन्दाजी अपरान्ह ४ बजे एक्कासी आगलागी हुँदा ढुंगा माटोको गाह्रो, खरको छानो भएको तीनतले घर र अर्को तीनतले मतान घरमा आगलागी भएको हो।

आगलागीबाट पूर्ण रुपमा दुई घर जल्दा घरभित्रको अन्नपात, भाडावर्तन, गरगहना, लत्ताकपडा, काठपात जल्दा ११ लाख ४ हजारको क्षति भएको प्रहरीले जनाएको छ।

आगलागीवाट मानवीय, चौपायामा क्षति छैन, आगलागीको कारण खुल्न नसकेको प्रहरीले जनाएको छ। गुरुङको तीनवटा घरमध्ये दुईवटा घर जलेको हो।