समायोजन खबर खोटाङ, नाबालिकालाई जबर्जस्ती करणी गरी फरार रहेका व्यक्ति पक्राउ परेका छन्। ऐंसेलुखर्क गाउँपालिका–४ जलेश्वरी सुन्तलाबोटेका नरेश भनिने ३२ वर्षीय शुसिल खत्री पक्राउ परेका हुन्।

नाबालिकालाई विभिन्न किसिमको लोभ लालच देखाई प्रलोभनमा पारी ललाई फकाई लगी गत बैशाख २५ गते जबर्जस्ती करणी गरेर फरार रहेका खत्रीलाई साउन २१ गते इलाका प्रहरी कार्यालय ऐंसेलुखर्कबाट खटेको प्रहरीले गाउँघरमै लुकिछिपी बसिरहेको अवस्था पक्राउ गरेका हुन्।

पक्राउ परेका खत्री विरुद्ध जिल्ला अदालतबाट म्याद थप गरी अनुसन्धान थालिएको डिएसपी पुरुषोत्तम खड्काले बताए।