समायोजन खबर खोटाङ, मोटरसाइकल चोरी मुद्दामा फरार प्रतिवादी पक्राउ परेका छन्। रावाबेंशी गाउँपालिका–१ कुभिण्डे हरमटारका २४ वर्षीय युवराज नेपाली पक्राउ परेका हुन्।

नेपालीलाई काठमाण्डौबाट साउन १५ गते पक्राउ गरी जिल्ला ल्याईएको प्रहरीले जनाएको छ।

चित्र बहादुर गुरुङको जाहेरीमा उच्च अदालत विराटनगर, अस्थायी ईजलास ओखलढुंगाबाट २०७८ मंसिर १२ गते एक महिना कैद, ९० हजार जरिवाना तोकेकाले फैसला कार्यान्वयनका लागि नेपालीलाई पक्राउ गरि ल्याई हिजै(विहीबार)कैद भुक्तान गर्न कारागार पठाइएको प्रहरी निरीक्षक एवंम् सूचना अधिकारी बेनु कार्कीले जानकारी दिए।