समायोजन खबर खोटाङ, खोटाङको दिक्तेलबजारमा अवस्थित सरस्वती माविले कक्षा–११ मा विज्ञान विषय पढाउन सुरु गरेको छ।

जिल्लाकै सर्वाधिक विधार्थी संख्या भएको विद्यालयले एसईई उतीर्ण गरेका विधार्थीहरुलाई लक्षित गर्दै विज्ञान विषय पढाउन सुरु गरेको हो।

एसईई उतीर्णपछि विज्ञान विषय पढ्नकै लागि मोटो रकम खर्चेर जिल्ला वाहिर जानुपर्ने वाध्यताको अन्त्य गर्दै विषय विज्ञ शिक्षक र सुविधायुक्त ल्यावसहित विज्ञान विषय पढाउन सुरु गरिएको प्रधानाध्यापक शिवहरी ढकालले बताए।

विज्ञान विषय पढाउन थालेको समाविले शिक्षा संकाय, मानवीकी संकाय र व्यवस्थापन संकाय तथा १८ महिने कृषि शिक्षा पढाउँदै आईरहेको छ। यो विद्यालयमा कूल १२ सय भन्दा बढी विधार्थी अध्ययनरत छन्।

https://www.facebook.com/samayojankhabar/videos/457050533965033