समायोजन खबर खोटाङ, हिमालयन आईटी इन्स्टिच्युट खोटाङले जिल्ला प्रहरी कार्यालय र सशस्त्र प्रहरी वल नम्बर ७ हलेसी गुल्ममा कार्यरत १५ जना प्रहरीलाई ४५ दिने निशूल्क आधारभूत कम्प्युटर तालिम दिएको छ।

सामाजिक उत्तरदायित्व अन्तर्गत इन्स्टिच्युटको कार्यालय दिक्तेलमा गरिएको तालिमको बुधबार सोही इन्स्टिच्युटमा समापन गरिएको छ।
तालिममा सहभागी जनपथ प्रहरीका सात जना र सशस्त्र प्रहरीका आठ जना प्रशिक्षार्थी प्रहरीलाई जिल्ला समन्वय समितिका प्रमुख सन बहादुर राईले प्रमाणपत्र प्रदान गरेर तालिमको समापन गरिएको हो।

तालिमको सहजीकरण इन्स्टिच्युटका कर्मचारी रामबाबु ठाकुरले गरेका थिए। कार्यक्रममा प्रशिक्षक ठाकुर र घरेलु तथा साना उद्योग खोटाङका प्रमुख भेषराज खत्रीलाई सम्मानपत्र प्रदान गरिएको थियो।