समायोजन खबर खोटाङ, खोटाङका ७ हजार ७१३ जना बालबालिकालाई पोलियो रोग विरुद्धको आईपिभि खोप लगाईने भएको छ।

२०७३ साल बैशाखदेखि २०७५ साल असोजसम्म जन्मिएका बालबालिकालाई जिल्लाभरीको २७६ वटा खोप केन्द्रबाट जेठ १३ गतेदेखि जेठ १५ गतेसम्म खोप लगाईने भएको हो।

बालबालिकालाई खोप लगाउन २७६ जना स्वास्थ्यकर्मी, ५५२ जना स्वयंमसेवक, ९९ जना स्थानीय पर्यवेक्षक फिल्डमा खटिने स्वास्थ्य कार्यालय खोटाङका प्रमुख जीवन प्रसाद चौलागाँईले बताए।

तोकिएको मितिमा बालबालिकालाई नजिकको खोप केन्द्रमा लगेर खोप लगाउन स्वास्थ्य कार्यालयले अनुरोध गरेको छ।