समायोजन खबर खोटाङ, रुख ढालेर विधुतीय प्रसारण लाइनमा क्षति पु-याउनेलाई विधुत प्राधिकरण दिक्तेल वितरण केन्द्रले जरिवाना लिएको छ।

भेनियर प्रयोजनका लागि अर्खौलेको विजुलेमा चैत १ गते रुख काट्ने क्रममा बुईपा सव–स्टेशनबाट ओखलढुंगा लगिएको ३३ केभी प्रसारण लाइनको हाइटेन्सन पोलमा क्षति पु-याउने तेह्रथुमको म्याङलुङ नगरपालिका–८ म्याङलुङका युवराज सैंजु र दिक्तेलका कृति कटुवालबाट २ लाख ५० हजार ८०९ रुपैयाँ जरिवाना लिएको हो।

पछिल्लो समय काठ व्यवसायीबाट रुख ढाली विधुतीय संरचनामा क्षति पु-याउँदा विधुत सप्लाईमा समस्या हुने गरेको प्राधिकरणले जनाएको छ।

जभाभावि रुख ढाल्ने र रुख विधुतको पोल तथा तारमा पर्दा क्षति पुग्नुका साथै ठूलो दुर्घट्ना हुने भएकाले रुख तथा बाँस काट्दा प्राधिकरणसँग समन्वय गर्न प्राधिकरणले आग्रह गरेको छ।