समायोजन खबर खोटाङ, खोटाङमा नौ महिनादेखि पाँच वर्षमूनिका बालबालिकालाई दादुरा–रुबेला विरुद्धको खोप लगाईने भएको छ।

आज मंगलबारदेखि चैत ३ गतेसम्म अभियानकै रुपमा दादुरा–रुबेला विरुद्धको खोप लगाईने जिल्ला स्वास्थ्य कार्यालय खोटाङका प्रमुख जीवन प्रसाद चम्लागाईले बताए।

खोटाङमा चार हजार ८२ जना बालबालिकालाई खोप दिने लक्ष्य राखिएको छ । लक्षित बालबालिकालाई खोप दिन ३९२ केन्द्र तोकिएको छ । ती खोप केन्द्रमा दुई–दुईजना स्वयंमसेवक हुनेछन्।

नौ महिनादेखि पाँच वर्षमूनिका बालबालिकाले सम्पूर्ण खोप लगाईसकेको भएता पनि दादुरा–रुबेला विरुद्धको खोप अनिवार्य रुपमा लगाउनु पर्नेछ।

नियमित खोप लगाई सकेका बालबालिकाका परिवारले खोप लगाउन जाँदा पहिलाको खोप कार्ड लिएर खोप केन्द्रमा जानुपर्ने बताईएको छ।

दादुरा–रुबेला रोगबाट १ जना संक्रमित व्यक्तिले १८ जनासम्मलाई संक्रमण गराउने भएकाले खोप अनिवार्य लगाउनुपर्ने स्वास्थ्य कार्यालयका प्रमुख चम्लागाई बताउँछन्।