समायोजन खबर खोटाङ, काठमाण्डौ बबरमहलस्थित कला परिषद नेपालको भवनमा १७ फागुनदेखि मुन्दुम अन्तर्राष्ट्रिय चित्रकला प्रदर्शनी जारी छ।

खोटाङको दिक्तेल रुपाकोट मझुवागढी नगरपालिका र धनु आर्ट स्टुडियो काठमाण्डौको संयुक्त आयोजनामा सुरु चित्रकला प्रदर्शनीको राष्ट्रपति रामचन्द पौडेलले उद्घाटन गर्नुभएको हो।काठमाण्डौमा मुन्दुम अन्तर्राष्ट्रिय चित्रकला प्रदर्शनीको उद्घाटन गर्नुहुँदै राष्ट्रपति रामचन्द्र पौडेल।

जारी चित्रकला प्रदर्शनीमा नगरपालिकाको कला, संस्कृति र पर्यटन झल्कने गरी ५० देशका चित्रकारले तयार गरेको २१० वटा चित्रहरु प्रदर्शनीमा राखिएको छ।

नगरपालिकासहित अन्य नौ स्थानीय तहको धार्मिक, सांस्कृतिक, पर्यटकीयस्थलहरुको जीवन्त रुपमा उतारिएको चित्र(क्यानभास) राष्टपति पौडेलपछि सभामुख देवराज घिमिरेले मंगलबार अवलोकन गर्नुभयो।सभामुख देवराज घिमिरे चित्र अवलोकन गर्नुहुँदै।

त्यसको भोलिपल्ट अर्थात बुधबार(आज) पूर्वप्रधानमन्त्री एवंम् नेपाल कम्युनिष्ट पार्टी(एकीकृत समाजावादी)का अध्यक्ष माधवकुमार नेपालले चित्रकलाको अवलोकन गर्नुभएको छ।चित्रकला अवलोकनपछि रायसुझाव लेख्नुहुँदै पूर्वप्रधानमन्त्री माधवकुमार नेपाल।

अवलोकनपछि पूर्वप्रधानमन्त्री नेपालले खोटाङको कला, संस्कृती र पर्यटनलाई विश्वसामू छिटोभन्दा छिटो जोड्नमा चित्रकला प्रदर्शनीले ठूलो टेवा पुग्ने बताउनुभएको दिक्तेल रुपाकोट मझुवागढी नगरपालिकाका मेयर तीर्थराज भट्टराईले बताउनुभयो।

अवलोकनपछि पूर्वप्रधानमन्त्री नेपालले पुस्तिकामा लिखित राय सुझाव लेख्नुभएको छ। चित्र अवलोकनपछि राय सुझाव संकलन गर्न चार स्थानमा पुस्तिका राखिएको छ। राष्ट्रपति, सभामुख र पूर्वप्रधानमन्त्रीका अलावा उधोग, वाणिज्य तथा आपूर्ति मन्त्रालयका सचिव मुकुन्द निरौला, राजदूत, कलाकार, साहित्यकार, पत्रकार र करीव १५० जना विधार्थीहरुले चित्रहरु अवलोकन गर्नुभएको छ।

चित्रकला प्रदर्शनी १७ फागनुमा समापन हुनेछ। समापन प्रधानमन्त्रीबाट गराउने नगरको योजना भए पनि प्रधानमन्त्रीले समय दिन सक्ने वा नसक्ने भन्ने विषयमा यक्किन टुंगो लागेको छैन। प्रदर्शनी सकिएपछि २१० वटा चित्रलाई दिक्तेलमा ल्याई संग्राहलय बनाएर राखिनेछ।