समायोजन खबर खोटाङ, खोटाङमा यात्रुबहाक बस र मोटरसाईकल ठोक्किएर दुर्घट्ना हुँदा मोटरसाइकल चालक गम्भीर घाइते भएका छन्।

दिक्तेलबाट हुर्लुङतर्फ जाँदै गरेको बा ८३ प २८६६ नम्बरको मोटरसाइकल र विपरीत दिशाबाट आईरहेको बा ३ ख १८९५ नम्बरको यात्रुबहाक बस मध्यपहाडी लोकमार्गको मुढेबाट केही अगाडीको घुम्तीमा ठोक्किदा मोटरसाइकल चालक दिक्तेल रुपाकोट मझुवागढी नगरपालिका–१२ जालपाका २८ वर्षीय राजन राई गम्भीर घाइते भएका छन्।
घाईते राईको हातखुट्टा, अनुहार र शरीरमा चोट लागेको छ। उनको दिक्तेलस्थित फेमेली केयर अस्पतालमा उपचार संम्भव नभएपछि एम्बुलेन्समाफर्त शिक्षण अस्पताल महाराजगञ्ज पठाईएको छ । उनको नाक र मुखबाट रगत बगिरहेको जनाईएको छ।
बस, बसका चालकलाई नियन्त्रणमा लिएर अनुसन्धान थालिएको खोटाङका डिएसपी मञ्जिल मुकारुङले बताए। बस जन्ती बोकेर आउँदै गरेको थियो।