समायोजन खबर खोटाङ, खोटाङमा शान्तिमय वातावरणमा प्रतिनिधिसभा र प्रदेशसभा सदस्य निर्वाचन अन्तर्गत मतदान सुरु भएको छ। मतदानका लागि आईतबार बिहान ७ बजेदेखि साँझ ५ बजेसम्म समय तोकिएको छ।

१३६ मतदानस्थल, १९४ मतदान केन्द्र तथा कर्मचारी, नेपाली सेना, नेपाल प्रहरी र कारागारमा रहेका कैंदीले मताधिकार प्रयोग गर्ने दुई अस्थायी मतदान केन्दमा शान्तिमय वातावरणमा मतदान सुरु भएको प्रमुख जिल्ला अधिकारी सुर्यप्रसाद सेडांईले बताए।

जिल्लामा ७४ हजार ९२७ जना पुरुष मतदाता र ६७ हजार ८३५ जना महिला मतदाता गरी कूल १ लाख ४२ हजार ७९२ मतदाताले मताधिकार प्रयोग गर्दैछ।

निर्वाचनमा एक हजार ५५८ जना कर्मचारी, एक हजार ८४६ जना जनपथ र म्यादी प्रहरी तथा आवश्यकताको आधारमा नेपाली सेना र सशस्त्र परिचालन गरिएको छ।

एक प्रतिनिधिसभा र दुई प्रदेशसभा रहेको खोटाङमा प्रतिनिधिसभामा आठ जना, प्रदेशसभा ‘क’ मा आठ र प्रदेश ‘ख’ मा छ जना चुनावी प्रतिस्पर्धामा छन्।