समायोजन खबर खोटाङ, सुनसरीको धरान उपमहानगरपालिकाको मेयरमा स्वतन्त्र उम्मेदवार हर्कराज राई (साम्पाङ) विजयी हुनुभएको छ। साम्पाङ चार हजार सात सय ६२ मतको अन्तरले विजयी हुनुभएको हो।

धरानमा ६२ हजार आठ सय ९८ मत खसेकोमा साम्पाङ २० हजार आठ सय २१ मत ल्याएर विजयी हुनुभएको हो। उहाँका प्रतिस्पर्धी किशोर राईले १६ हजार ५९ मत ल्याउनुभयो।

धरानको उपमेयरमा भने माओवादी केन्द्रका उम्मेदवार आइन्द्रविक्रम बेघा विजयी हुनुभएको छ। बेघा २० हजार पाँच सय १० मत ल्याएर विजयी हुनुभयो। उहाँका प्रतिस्पर्धी नेकपा एमालेमा पदमप्रसाद लिम्बुले १७ हजार ६ सय ६ मत ल्याउनुभयो।