समायोजन खबर खोटाङ, स्थानीय तह सदस्य निर्वाचनमा यहाँको दुई नगरपालिकासहित चार गाउँपालिकामा कांग्रेस विजयी भएको छ। अन्य २/२ गाउँपालिकामा नेकपा एमाले र माओवादी केन्द्र विजयी भएको छ।

दिक्तेल रुपाकोट मझुवागढी नगरपालिका प्रमुखमा नेपाली कांग्रेसका तिर्थराज भट्टराई, हलेसी तुवाचुङ नगरपालिका प्रमुखमा कांग्रेसका बिमला राई, रावाबेंशी गाउँपालिका अध्यक्षमा कांग्रेसका फटिककुमार श्रेष्ठ, केपिलासगढी गाउँपालिका अध्यक्षमा कांग्रेसका समिर राई, साकेला गाउँपालिका अध्यक्षमा कांग्रेसका रविप्रकास राई र वराहपोखरी गाउँपालिका अध्यक्षमा कांग्रेसका शालिकराम बञ्जारा निर्वाचित भएका छन्।

ऐसेलुखर्क गाउँपालिकामा एमालेका गीरेन्द्र बहादुर राई र दिप्रुङ चुईचुम्मा गाउँपालिकामा एमालेका लोकेन्द्र राई तथा जन्तेढुंगा गाउँपालिका अध्यक्षमा नेकपा माओवादी केन्द्रका अरुणादेबी राई र खोटेहाङ गाउँपालिका अध्यक्षमा माओवादी केन्द्रका उदिम बहादुर राई विजयी भएका छन्।