समायोजन खबर खोटाङ, खोटाङको दिक्तेलमा चार दलीय गठबन्धनले विजय जुलुस प्रदर्शन गरेको छ। दिक्तेल रुपाकोट मझुवागढी नगरपालिकाको मेयर उपमेयरमा गठबन्धनका उम्मेदवार विजय भएपछि बुधबार दिक्तेलबजारमा जुलुस प्रदर्शन गरेको हो।
दिक्तेलको रत्नपार्कबाट जुलुस सुरु भएको थियो। जुलुसमा सहभागी निर्वाचित मेयर तिर्थराज भट्टराई र उपमेयर बिसन राईलाई दिक्तेलबजारका नेता कार्यकर्ता, शुभेच्छुकले अबिर र माला लगाईदिंदै बधाई दिएका छन्।
जुलुस रत्नपार्क–हाँटडाँडा हुंदै हेलिप्याडमा आएर कोणसभामा परिणत हुने जनाईएको छ। जुलुसमा निर्वाचित मेयर उपमेयरका अलवा चार दलका जिल्लास्तरीय नेताहरुको पनि सहभागि थियो।
दिक्तेलमा कांग्रेसबाट मेयर र माओवादीबाट उपमेयर निर्वाचित भएको छ।