मनोज आचार्य खोटाङ,संखुवासभा, तेह्रथुम र ताप्लेजुङको संगमस्थलमा अवस्थित तिन्जुरे, मिल्के, जलजले टिएमजेमा यतिबेला राताम्य भएर गुराँस फुलेको छ।
गुरासको राजधानी भनेर चिनिने टिएमजेमा चैतदेखि जेठसम्म गुराँस फुल्ने गर्दछ।
बिश्वमा पाइने ४२ प्रजाती र नेपालमा पाइने ३२ मध्ये २८ प्रजातिको लालिगुराँस यस क्षेत्रमा पाइनाले पनि सबैको रोजाइमा टिएमजे क्षेत्रनै पर्ने गर्दछ। गुराँस हेर्न तथा रमाउन वर्षमा लगभग आन्तरिक र वाह्य गरी ५० हजार पर्यटक आउने गर्छन्।
समुन्द्री सतहदेखि २ हजार ६६० मिटरदेखि माथि उचाईमा रहेको तिन्जुरेडाँडाको आसपाल गुराँस फुल्ने गरेको छ। टिएमजेमा नेपाल बाहेक भारतका सिक्किम, दार्जीलिङ,आसाम, ग्यान्टोक लगायतका क्षेत्र देखि समेत पर्यटक आउने गरेको पाइन्छ।

सबै तस्विर : मनोज आचार्य