समायोजन खबर खोटाङ, खोटाङको केपिलासगढी गाउँपालिका–१ फेदीमा विभिन्न पार्टी परित्याग गरी १४ जना नेकपा एमालेमा प्रवेश गरेका छन्। सत्तारुढ दल नेपाली कांग्रेस र जनता समाजवादी पार्टीका क्रियाशिल सदस्यहरु आईतबार एमालेमा प्रवेश गरेका हुन्।

युवा संघ नेपाल फेदीको गठन तथा पार्टी प्रवेश कार्यक्रममा नेपाली कांग्रेस बाक्सिलाका क्रियाशिल सदस्य जगत सुनवार, तोमानेका रामसोर राई, सारालुङका रामधन राई, नरहाङ राई, तिरीचन्द्र राई, देउराज राई, देवान राई, सविन राई, उदेश राई, उत्रमनी राई, लक्ष्मी राई, आइटम राई तथा दिगम्बर राई एमालेमा प्रवेश गरेको जनाईएको छ।

यस्तै, जनता समाजवादी पार्टीका सदस्य भाईराजा राई पनि एमालेमा प्रवेश गरेका छन्। नवप्रबेशीहरुलाई एमालेका जिल्ला सदस्य तथा केपिलासगढी गाउँपालिका अध्यक्ष कृष्णकुमार राईले खादा लगाएर अबिर लगाई पार्टीमा स्वागत गरेका थिए। पार्टी प्रवेश गरेकाहरुलाई पार्टीमा उचित स्थान दिईने जिल्ला सदस्य तथा गाउँपालिका अध्यक्ष राईले बताए।

वडा अध्यक्ष भाइराज राईको सभापतित्वमा युवा संघ गठन तथा पार्टी प्रवेश कार्यक्रमको आयोजना गरिएको थियो।
यो पनि पढ्नुहोस, कांग्रेसबाट निर्वाचित वडा सदस्यसहित १८ जना एमालेमा प्रवेश, राईले गरे स्वागत