समायोजन खबर, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेकपा एमालेको प्रतिवाद नगरी आउँदो चुनाव नजितिने बताउनुभएको छ । शनिबार ललितपुरमा आयोजित पार्टी कार्यक्रममा उहाँले अबको डेढ वर्ष एमालेलाई गणतन्त्रविरोधी र संघीयताविरोधी भनेर स्थापित गर्न पार्टी कार्यकर्तालाई आग्रह गर्नुभयो । ‘केपीको हातमा नेतृत्व छ र उनले फेरि एकचोटि माओवादीलाई सखाप गर्ने रणनीति लिएका छन् । उनले डेढ वर्षभित्र हामी सरकारमा जान्छौं भनेका छन्’ उहाँले भन्नुभयो, ‘देशैभर एमालेसँग प्रतिवाद नगरी चुनाव जितिँदैन । यी जाली फटाहाहरूले अहिले हामीलाई हेप्न खोजेका छन्, तिनको सातो खाने गरी काममा लाग्नुस्।’

प्रचण्डले अघि भन्नुभयोे, ‘छाती खोलेर भन्नु हामीले बनाएको हो संविधान । यिनीहरू विरोधी हुन् भन्दै हिँड्नुहोस् । पार्टी कमिटी बनाउनुस्, जनतामा जानुस् । को बेइमान हो बुझाउनुस् । डेढ वर्ष आँखा चिम्लेर मिहिनेत गरौं ।’ अध्यक्ष प्रचण्डले तत्कालीन नेकपामा केपी शर्मा ओलीले छलकपटको बाटो लिएपछि उहाँविरुद्ध आक्रमण गरेको बताउनुभयो । ‘मैले केपी ओलीको विचार के हो रु शैली के हो रु रणनीति के हो रु उसको भ्रष्टाचार कति छ रु भनेर आक्रमण गरेकै हो’, उहाँले भन्नुभयो, ‘मैले पेश गरेको त्यो डकुमेन्ट ‘बमबार्ड द बुर्जुवा हेडक्वार्टर’ नै थियो ।’

उहाँले ओलीविरुद्ध दस्तावेजको ‘बम’ हानेपछि आफूलाई बालुवाटारको कैदबाट मुक्ति मिलेको पनि बताउनुभयो।