समायोजन खबर खोटाङ, खोटाङको दिक्तेल रुपाकोट मझुवागढी नगरपालिका–९ निर्मलीडाँडामा विवादका कारण स्थगित भएको कांग्रेसको वडा अधिवेशन टुंग्याइएको छ। १८ भदौमा वडा सभापतिका लागि मनोनयन दर्ता गर्ने क्रममा विवाद भएपछि स्थगित वडा अधिवेशन निर्वाचन प्रक्रियाबाट टुंग्याइएको हो।

यो पनि,दिक्तेल नगर सभापतिमा प्रकाश श्रेष्ठको उम्मेद्वारी घोषणा

बुधबार राति सम्पन्न निर्वाचनबाट देशकुमार राई ४७ मत ल्याएर पुन: वडा सभापतिमा दोहोरिएको कांग्रेस जिल्ला सचिव ज्ञानेन्द्र जोशीले जानकारी दिए। उनका प्रतिद्वन्द्वी विष्णुप्रसाद ढकालले २७ मत पाए। कुल ९६ जना क्रियाशील सदस्य रहेको निर्मलीडाँडामा ७८ मत खसेको थियो।

सम्बन्धित समाचार,को हुन् रामचन्द्र राई, यसकारण नगर सभापतिमा उम्मेद्वारी घोषणा

निर्मलीडाँडामा कांग्रेसको वडा सभापतिका लागि देशबहादुर, विष्णुप्रसाद, प्रेमकुमार राई र रमाहाङ राई आकांक्षी देखिए पनि अन्तिममा देशबहादुर, विष्णुप्रसाद भिडेका थिए।

दुई नगरपालिका र आठ गाउँपालिकाको ७९ वडामध्ये यसअघि ७८ वडाको अधिवेशन सम्पन्न भइसकेको छ। कांग्रेसको वडा अभिवेशनबाट वडा समिति निर्माणसँगै क्षेत्रीय प्रतिनिधि चयन गर्ने व्यवस्था छ।

यो पनि पढ्नुहोस,कांग्रेस वडा अधिबेशन : याम्खामा फेरी अधिबेशन गर्नुपर्ने माग