समायोजन खबर खोटाङ, आज र भोली खोटाङमा ५० वर्ष माथिकालाई जोन्सन एण्ड जोन्सन खोप दिईने भएकोे छ। दुई नगरपालिका र आठ गाउँपालिकाको ७९ वटा स्वास्थ्य संस्थावाट खोप दिईन लागिएको हो।

सात हजार पाँच सय डोज जोन्सन खोप ५० वर्षदेखि ५४ वर्ष उमेर समुह र खोप उपलब्धताको आधारमा कोभिड १९ विरुद्ध खोप लगाउन बाँकी सबै नागरिकलाई खोप दिईने स्वास्थ्य कार्यालय खोटाङका प्रमुख पुन्यप्रसाद सिग्देल बताए।

बिहान १० बजेदेखि अपरान्ह ४ बजेसम्म खोप दिईने छ। खोप लगाउनका लागि उमेर खुल्ने आधिकारिक प्रमाण पत्र, सो नभएमा गाउँपालिका, वडाबाट उमेर प्रमाणित हुने कागजात तथा खोप अनिवार्य गरेको देशमा जाने नागरिकले पासपोर्ट र भिसाको आधारमा खोप केन्द्रमा पुगेर खोप लगाउन सक्नेछन्। जोन्सन एण्ड जोन्सन खोप एक डोज लगाए पुग्ने स्वास्थ्य मापदण्ड छ।
सम्बन्धित समाचार : खोटाङमा ३३ सय बढीले लगाए कोरोना विरुद्धको दुबै खोप