समायोजन खबर काठमाडौं,प्रमुख सत्तारुढ दल नेपाली कांग्रेसका प्रभावशाली नेता तथा सांसद गगन थापाले बाहिर सिंहजस्तो गर्जिने तर भित्र लम्पसार पर्ने पुरानो सरकारजस्तो नयाँ सरकारलाई छुट नहुने बताएका छन्।
प्रतिनिधि सभाको आजको बैठकको शुन्य समयमा थापाले यस्तो बताएका हुन्।

“संसद्लाई हेप्ने अदालतलाई थर्काउने, न विधि मान्ने न विज्ञानलाई पत्याउने,” थापाको भनाइ थियो, “स्थानीय सरकारलाई पंगु बनाउने जनताको दुहाई दिने तर आसेपासे पोस्ने बाहिर सिंहजस्तो जर्गिने भित्र लम्पसार पर्ने यस्तै परिचय बनाएर बालुवाटारबाट बार्दली पुगेको अघिल्लो सरकार।

नयाँ सरकारलाई यस्तो अपराध गर्ने छुट छैन ।” उनले संसद् पनि मनोमानि ढंगले स्थगित गर्न अब नदिइने बताए ।