समायोजन खबर खोटाङ, नेकपा माओवादी केन्द्रका अध्यक्ष पुष्पकमल दाहाल प्रचण्डले राम्रा राम्रा काम गर्न मन्त्रीहरुलाई सुझाव दिएका छन्।

नेपाल कम्युनिस्ट पार्टीका संस्थापक नेता नरबहादुर कर्माचार्यको ८औं स्मृति दिवसको अवसरमा पार्टी कार्यालय पेरिसडाँडामा आयोजित कार्यक्रममा प्रचण्डले जनतालाई सरकार भएको अनुभूति गराउनका लागि साना-साना भए पनि हरेक दिन राम्रा काम गर्न मन्त्रीहरुलाई सुझाव दिएका छन्।

सरकारलाई राम्रो काम गर्न चुनौती रहेको भन्दै ओलीले जस्तो लापरबाही नगर्न निर्देशन पनि दिएका हुन्।

यसअघिको सरकारले निरंकुशता लाद्न विभिन्न ठाउँमा सेटिङ मिलाएको त्यसलाई भत्काएर राम्रा काम गर्न चुनौती भएकोले बुद्धिमत्तताका साथ काम गर्नुपर्ने बताए।