समायोजन खबर खोटाङ, खोटाङमा छोराले बुवाको हत्या गरेका छन्। दिक्तेल रुपाकोट मझुवागढी नगरपालिका–२ दिक्तेल सोल्मामा छोेराले बुवाको धारिलो हतियार प्रयोग गरि हत्या गरेको हो।

जिल्ला प्रहरी कार्यालय खोटाङका प्रहरी निरीक्षक अमर प्रसाद गजमेरका अनुसार आईतबार (आज) बिहान अन्दाजी ४ वजेको समयमा ७५ वर्षीय चन्द्रकुमार राईलाई उनकै छोरा २० वर्षीय सुब्रण राईले धारिलो हतियार प्रयोग गरी घरै नजिक हत्या गरेका हुन्।

छोराले बुवाको किन हत्या गरेको भनेर कारण खुल्न सकेको छैन। मृतकको शव परीक्षणका लागि जिल्ला अस्पताल दिक्तेल पठाइएको प्रहरी निरीक्षक गजमेरले बताए। बुवाको हत्या गर्ने सुब्रणलाई पक्राउ गरिएको र थप अनुसन्धान भईरहेको प्रहरीले जनाएको छ।