समायोजन खबर खोटाङ, पछिल्लो २४ घण्टामा थप ५१ जनाको मृत्यु भएको छ। हालसम्म नेपालमा ८ हजार ७२७ जना संक्रमितको मृत्यु भएको छ। संक्रमित निको हुने दर ८८ दशमलब ५ प्रतिशत रहेको स्वास्थ्य तथा जनसंख्या मन्त्रालयले जनाएको छ।

त्यस्तै पछिल्लो २४ घण्टामा ३४५६ जना संक्रमणमुक्त भएका छन्। स्वास्थ्य मन्त्रालयका अनुसार नेपालमा हालसम्म ५ लाख ५६ हजार ७९८ जना संक्रमित निको भइसकेका छन्।

पछिल्लो २४ घण्टामा थप २ हजार ४४२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ६६७७ जनाको पीसीआर विधिबाट परीक्षण गर्दा १४२१ र ४२४९ एन्टिजेन परीक्षणमा १०२१ जना गरी २४४२ जनामा संक्रमण पुष्टि भएको हो ।

काठमाडौं उपत्यकामा आइतबार ५४८ जना संक्रमित थपिएका छन्। काठमाडौंमा ४५०, ललितपुरमा ५३ र भक्तपुरमा २५ जना कोरोना संक्रमित भेटिएका हुन्।

हाल देशभर ५५ हजार ५३२ सक्रिय संक्रमित छन्। ४२ जिल्लामा ५०० भन्दा बढी सक्रिय संक्रमित रहेको मन्त्रालयले जनाएको छ।