समायोजन खबर खोटाङ, पछिल्लो २४ घण्टामा ६ हजार २ सय ९५ जना कोरोना संक्रमणमुक्त भएको स्वास्थय तथा जनसंख्या मन्त्रालयले जनाएको छ। हालसम्म पाँच लाख २७ हजार १११ जना कोरोनामुक्त भएका छन्। कोरोनाबाट निको हुने दर ८६.९ प्रतिशत पुगेको छ।

पछिल्लो २४ घण्टामा देशभर थप ३ हजार ३ सय ८४ जनामा कोरोना संक्रमण पुष्टि भएको छ।

पछिल्लो २४ घण्टामा ८ हजार ५ सय ६ पीसीआर र ५ हजार ९ सय ८८ जनाको एन्टीजेन परीक्षणका क्रममा ३ हजार ३ सय ८४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

आज थपिएकासँगै नेपालमा कुल संक्रमितको संख्या ६ लाख ६ हजार ७ सय ७८ पुगेको छ। मन्त्रालयका अनुसार पछिल्लो २४ घण्टामा थप ६१ जना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ८ हजार ३ सय ६६ पुगेको छ ।