समायोजन खबर खोटाङ, पछिल्लो २४ घण्टामा देशभर थप ४, ४७२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार १२ हजार २ पीसीआर परीक्षणमा ३३७० र ५,९०१ एन्टिजेन परीक्षणमा १,१०२ गरी कुल १७ हजार ९०३ परीक्षणमा ४,४७२ जनामा संक्रमण पुष्टि भएको हो।

पछिल्लो २४ घण्टामा देशभरबाट ६,९५१ जना कोरोना भाइरस संक्रमणमुक्त भएका छन् । पछिल्लो २४ घण्टामा ९२ कोरोना संक्रमितको मृत्यु भएको मन्त्रालयले जनाएको छ । हालसम्म देशभरबाट ७ हजार ९९० जना संक्रमितको मृत्यु भएको छ।