समायोजन खबर खोटाङ, पछिल्लो २४ घण्टामा देशभर थप ८ हजार २४३ जना कोरोना संक्रमणमुक्त भएका छन्। स्वास्थ्य तथा जनसंख्या मन्त्रालयका अनुसार नेपालमा संक्रमित निको हुनेदर ८२ दशमलब ८ प्रतिशत रहेको छ।

नेपालमा हालसम्म ४ लाख ८४ हजार ३७३ जना कोरोना संक्रमणमुक्त भएका छन्। पछिल्लो २४ घण्टामा देशभरबाट थप ५ हजार ४२ जना व्यक्ति कोरोना संक्रमित भएका छन्।

पछिल्लो २४ घण्टामा ११ हजार ४७१ जनाको पिसिआर र ५ हजार ३४३ जनाको एन्टीजेन परीक्षण गरिएको थियो। पछिल्लो २४ घण्टामा देशभर ६८ जना संक्रमितको मृत्यु भएको छ। योसँगै नेपालमा हालसम्म कोरोनाबाट मृत्यु हुनेको संख्या ७ हजार ७९९ पुगेको छ।