समायोजन खबर खोटाङ, पछिल्लो २४ घण्टामा देशभरमा संक्रमित भन्दा संक्रमणमुक्त हुनेको संख्या बढेको पाइएको छ। मंगलबार थप ६ हजार ८५ जनामा कोरोना संक्रमण पुष्टि हुंदा ६ हजार ८९८ जना कोरोना संक्रमणमुक्त भएका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा १७ हजार १४७ जनाको पिसिआर र ३ हजार १८ जनाको एन्टीजेन परीक्षण भएको थियो।

देशभर एक लाख ४ हजार ७८९ जना सक्रिय संक्रमित रहेका छन्। पछिल्लो २४ घण्टामा देशभर ६८ जना संक्रमितको मृत्यु भएको मन्त्रालयले जनाएको छ।