समायोजन खबर खोटाङ, पछिल्लो २४ घण्टामा देशभरबाट थप ६ हजार ४९१ कोरोना संक्रमणमुक्त भएका छन्। हालसम्म चार लाख ४७ हजार ४४६ सङ्क्रमित कोरोनामुक्त भएका छन्। स्वास्थ्य तथा जनसंख्या मन्त्रालयका अनुसार कोरोनाबाट निको हुने दर ७९।७ प्रतिशत पुगेको छ।

पछिल्लो २४ घण्टामा देशभर थप ४७६२ जनामा कोरोना भाइरस संक्रमण पुष्टि भएको छ। मन्त्रालयका अनुसार १५ हजार ५५ पीसीआर र २४२५ एन्टिजेन परीक्षणमा ४७६२ जनामा संक्रमण पुष्टि भएको हो।

पछिल्लो २४ घण्टामा संक्रमणका कारण देशभरबाट ११४ जनाको मृत्यु भएको छ। देशभर एक लाख ६ हजार ४७० जना संक्रमित रहेको मन्त्रालयले जनाएको छ। हाल ६८९ जना क्वारेन्टिनमा छन्।