समायोजन खबर खोटाङ, कोरोना महामारीबीचमा जोखिम मोलेर समाचार संकलन र सम्प्रेषण गर्दै आएका जिल्लाका पत्रकारहरुलाई नेपाल पत्रकार महासंघ खोटाङले पत्रकारलाई स्वास्थ्य सामग्री प्रदान गरेको छ।

महासंघको कार्यालयमा सोमबार पत्रकारहरुलाई मास्क, सेनीटाइजर, हेडशिल, ग्लोब्स, सिटामोल, जीवनजल लगायतका स्वास्थ्य सामग्री वितरण गरिएको महासंघका अध्यक्ष दिलीप खत्रीले बताए।

स्वास्थ्य कार्यालयले दश बोत्तल सेनीटाइजर, छ सय पिस मास्क, ग्लोब्स २ सय पिस, २ थान थर्मल गन, ४ पिस हेडशिल, सिटामोल, जीवनजल लगायतका स्वास्थ्य सामग्री उपलव्ध गराएपछि पत्रकारलाई वितरण गरिएको अध्यक्ष खत्रीले बताए।

महासंघले यसअघि पनि स्वास्थ्य कार्यालयबाट सामग्री जुटाएर पत्रकारलाई स्वास्थ्य सामग्री वितरण गरेको थियो।