समायोजन खबर खोटाङ, बागमती प्रदेश राष्ट्रिय सभा सदस्य पदका लागि आज भएको उपनिर्वाचनको मत गणना सकिएको छ।

अन्तिम परिणाम अनुसार निवर्तमान गृहमन्त्री एवं नेकपा एमालेका उम्मेद्वार रामबहादुर थापा बादललाई हराउँदै राष्ट्रियसभा सदस्यमा साझा उम्मेदवार डा. खिमलाल देवकोटा विजयी हुनु भएको छ।

देवकोटाले ५०८८ मतभार पाउनु भयो भने एमालेका उम्मदेवार बादलले ४०१४ मतभार पाउनुभयो। देवकोटालाई नेपाली कांग्रेस, नेकपा माओवादी केन्द्र, जनता समाजवादी पार्टी र नेकपा एमालेको माधवकुमार नेपाल समूहको समर्थन थियो।

वाग्मती प्रदेशसभाका १०५ सदस्यले मतदान गर्नुभएको थियो। जसमा देवकोटाले ५८, बादलले ४५ र नेपाल मजदुर किसान पार्टीका कृष्णबहादुर तामाङले २ मत प्राप्त गर्नुभयो।

त्यसैगरी वाग्मती प्रदेशका स्थानीय तहका प्रमुख र उपप्रमुख गरी २३३ जनाले मतदान गर्नुभएको थियो । स्थानीय तहमा देवकोटाले १२८, बादलले १०३ र तामाङले २ मत प्राप्त गर्नुभयो।