समायोजन खबर खोटाङ, खोटाङको खोटेहाङ गाउँपालिकाले अर्को निर्णय नभएसम्मका लागि सम्पूर्ण विद्यालयको वार्षिक परीक्षा स्थगित गरेको छ। कोरोना भाईरसको नयाँ भेरियण्ट्स देशव्यापीरुपमा फैलिईरहेको र छिमेकी गाउँपालिकाहरु समेत संक्रमित देखिएकाले सम्पूर्ण परीक्षा स्थगित गरेको जनाएको छ।

गाउँपालिका अध्यक्ष प्रदिप राई र प्रमुख प्रशासकीय अधिकृत हरि प्रसाद भट्टराईले मंगलबार सूचना जारी गर्दै सामुदायिक र संस्थागत विद्यालयको आगामी २३ बैशाखदेखी हुने भनिएको कक्षा १ देखी कक्षा ९ सम्मको वार्षिक परिक्षा अर्को निर्णय नभएसम्मको लागि स्थगित गरिएको जानकारी दिएको छ।

गाउँपालिकाको शिक्षा समितिको ३ बैशाखमा वसेको वैठकले २३ बैशाखदेखी सामुदायिक र संस्थागत विद्यालयको वार्षिक परीक्षा गर्ने निर्णय गरेको थियो।

यो पनि पढ्नुहोस कोरोना कहर : खोटाङमा बैंक खोल्न समय तालिका निर्धारण