समायोजन खबर खोटाङ, कम्प्युटर एसोसिएसन नेपाल महासंघ (क्यान) जिल्ला शाखा खोटाङको प्रथम साधारण सभा तथा जिल्ला अधिबेशन सुरु भएको छ । बिहीबार बिहान दिक्तेलस्थित श्रेष्ठ होटलमा साधारण सभा तथा जिल्ला अधिबेशन सुरु भएको हो ।

साधारण सभा तथा जिल्ला अधिबेशनको दिक्तेल रुपाकोट मझुवागढी नगरपालिकाका नगरप्रमुख दिपनारायण रिजालले उद्घाटन गरेका छन् ।क्यानका तदर्थ जिल्ला शाखा संयोजक मनोज कुमार बजिमयको अध्यक्षतमा भएको उद्घाटन कार्यक्रममा उधोग वाणिज्य संघ खोटाङका अध्यक्ष उपिनकुमार राई, कम्प्युटर एसोसिएसन नेपाल महासंघ (क्यान) प्रदेश नं. १ का अध्यक्ष भवकृष्ण तिम्सिना, क्यानका केन्द्रीय सचिव ठाकुर श्रेष्ठ र नगरप्रमुख रिजालले शुभकामना मन्तब्य राखेका थिए ।अधिबेशनले तदर्थ समितिलाई विघटन गरेर नयाँ कार्य समिति चयन गर्ने जनाइएको छ । प्रविधि शिक्षालाई जिल्लामा अझ फराकिलो पर्नका लागि बजिमयको संयोजकत्वमा ५ सदस्यीय तदर्थ समिति गठन गरिएको थियो ।

क्यानको सातै प्रदेशमा शाखा तथा ५८ जिल्लामा जिल्ला शाखा विस्तार भइसकेको कम्प्युटर एसोसिएसन नेपाल महासंघ (क्यान) प्रदेश नं. १ का अध्यक्ष भवकृष्ण तिम्सिनाले जानकारी दिए ।