समायोजन खबर खोटाङ, नेपाली कांग्रेसका केन्द्रीय सदस्य गगनकुमार थापाले राजनीतिक दलका नेताहरुले जिम्मेवारी पूरा गर्न नसक्दा पत्रकारिता क्षेत्र धरासायी बन्न पुगेको बताउनुभएको छ ।

लक्की मिडिया हाउसको पाँचौँ वार्षिकोत्सव समारोहको उद्घाटन कार्यक्रममा सोमबार उहाँले कोरोनाको सङ्क्रमणका कारण सञ्चार क्षेत्र धरासायी बनेको बताउनुभयो ।

मिडियालाई सरकार र राजनीतिक दलको सहयोग आवश्यक रहेको उहाँको भनाइ थियो । कोरोनाका त्रास अझै बाँकी रहेको भन्दै उहाँले सबै मिलेर अहिलेको स्थितिलाई समाधान गनुपर्ने बताउनुभयो ।

सो अवसरमा जिल्लाका दुई पत्रकार सूर्यप्रसाद अधिकारी र दिनेश श्रेष्ठलाई सम्मान गरिएको थियो ।