समायोजन खबर खोटाङ, पश्चिमी वायुका कारण खोटाङमा पानी परेको छ । हिजोअस्तीदेखी नै मौसम विग्रदै गएपनि शनिवार साँझमा सामान्य पानी परेको हो ।

यो वर्षा हिउँदको पहिलो वर्षा हो । लामो समयपछि पानी परेपछि किसानहरु हर्षित भएका छन् । पानी परेसँगै चिसो बढेको छ । जिल्लाको माथिल्लो भेगमा सामान्य रुपमा हिमपात हुने आंकलन गरिएको छ ।

मौसम पूर्वानुमान महाशाखाका अनुसार देशका विभिन्न ठाउँमा हल्का वर्षा र हिमपात हुँदैछ । पश्चिम नेपालका केही भूभागमा हल्का वर्षा भएको हो भने उच्च पहाडी क्षेत्रमा हल्का र हिमाली क्षेत्रमा भारी हिमपात भएको छ ।

राति पनि प्रदेश १, २, बागमती र गण्डकी प्रदेशका केही स्थानहरूमा हल्का वर्षा हुनेछ भने प्रदेश १, बागमती र गण्डकी प्रदेशका उच्च पहाडी र हिमाली भूभागका केही स्थानमा हल्का हिमपातको सम्भावना रहेको महाशाखाले जनाएको छ ।