समायोजन खबर खोटाङ, खोटाङमा अवरुद्ध इन्टरनेट सेवा सुचारु भएको छ । शुक्रबारदेखी अवरुद्ध भएको एडिएसएल इन्टरनेट सेवा शनिबार दिउँसोबाट सुचारु भएको हो ।

रसुवाघाट भन्दा ६ किलोमिटर अगाडी सडक निर्माणको क्रममा जेसिभिले फाइवरको तार चुट्याइदिएकोमा तार फेरेपछि इन्टरनेट सुचारु भएको नेपाल दुरसञ्चार शाखा कार्यालय खोटाङका प्रमुख खगेन्द्र बलम्पाकीले बताए ।

सदरमुकाम दिक्तेलमा करीव तीन सय सेवाग्राहीले फाइवरबाट एडिएसएल इन्टरनेट प्रयोग गरिरहेका छन् । अन्य स्थानमा भने रेडियो लिंकबाट इन्टरनेट सेवा दिइएको दुरसञ्चार शाखा कार्यालय दिक्तेलले जनाएको छ ।२०७७ पुस १८ गते साँझ ६ :१२ मा प्रकाशित