समायोजन खबर खोटाङ, खोटाङमा दुई दिनयता इन्टरनेट सेवा अवरुद्ध हुंदा सेवाग्राहीहरु मर्कामा परेका छन् । शुक्रबारदेखी एडिएसएल इन्टरनेट सेवा अवरुद्ध हुंदा सदरमुकाम दिक्तेलका सेवाग्राहीहरु मर्कामा परेका हुन् ।

रसुवाघाट भन्दा ६ किलोमिटर अगाडी सडक निर्माणको क्रममा जेसिभिले फाइवरको तार चुट्याइदिएकाले एडिएसएल इन्टरनेट सेवा अवरुद्ध भएको नेपाल दुरसञ्चार शाखा कार्यालय खोटाङका प्रमुख खगेन्द्र बलम्पाकीले बताए । जेसिभिले करीव डेढ सय मिटर फाइवर तार चुट्याइदिएको छ ।

इन्टरनेट सेवा अवरुद्ध भएपछि शुक्रबार नै उदयपुरको गाइघाटबाट प्राविधक टोली आएर निरिक्षण गरेको र शनिबार विहान प्राविधिक टोली पुनः फाइवर तार फेर्नलाई त्यसतर्फ हिडेकाले छिट्टै इन्टरनेट सुचारु हुने प्रमुख बलम्पाकीले बताए ।

सदरमुकाम दिक्तेलमा करीव तीन सय सेवाग्राहीले फाइवरबाट एडिएसएल इन्टरनेट प्रयोग गरिरहेका छन् । अन्य स्थानमा भने रेडियो लिंकबाट इन्टरनेट सेवा दिइएको दुरसञ्चार शाखा कार्यालय दिक्तेलले जनाएको छ ।२०७७ पुस १८ गते बिहान ९ :०२ मा प्रकाशित