समायोजन खबर खोटाङ, खोटाङको हलेसी तुवाचुङ नगरपालिकाले मंगलटारका कृषकलाई कृषि सामग्री, बीउ बिजन र किटनाशक औषधि वितरण गरेकोे छ । सुख्खा क्षेत्रका कृषकहरुको जीविकोपार्जनका लागि कृषि सामग्री, बीउबिजन र किटनाशक औषधि वितरण गरेको हो ।

मंगलटारका ३४० जना कृषकहरुलाई हिलटेक, स्प्रे ट्याङकी, सिड स्प्रे, हजारी, बीउबिजन र किटनाशक औषधि वितरण गरिएको छ । त्यहाँका कृषकहरुलाई नगरप्रमुख इवन राई, उपप्रमुख विमला राई, वडाध्यक्ष लगायतले कृषि सामग्री वितरण गरेका थिए ।

नगरपालिकाको विशेष अनुरोधमा एसडिसिको दुई करोड ४४ लाख वरावरको आर्थिक सहयोग तथा कारितास नेपाल र नवकिरण सेवा समाज नेपालको सहजिकरणमा २६ कार्तिकबाट नगरपालिकाले ११ वटै वडाका कृषकलाई बीउबिजन तथा सामग्री वितरण गरिरहेको छ ।
नगरपालिकाले ४ हजार ५३ घरपरिवारलाई बीउबिजन र कृषि सामगी वितरण गर्ने जनाएको छ ।
यो पनि पढ्नुहोस,च्यास्मीटारका कृषकलाई कृषि सामग्री वितरण

२०७७ मंसिर १३ गते राती ८ :२१ मा प्रकाशित