समायोजन खबर खोटाङ, खोटाङको हलेसी तुवाचुङ नगरपालिकाले च्यास्मीटारका कृषकलाई कृषि सामग्री वितरण गरेकोे छ । सुख्खा क्षेत्रका कृषकहरुको जीविकोपार्जनका लागि कृषि सामग्री वितरण गरेको हो ।

च्यास्मीटारका ३९७ जना कृषकहरुलाई हिलटेक, प्लाष्टिक टनेल, सिड स्प्रे, हजारी र बीउबिजन वितरण गरिएको छ । त्यहाँका कृषकहरुलाई नगरप्रमुख इवन राई, उपप्रमुख विमला राई, वडाध्यक्ष लगायतले कृषि सामग्री वितरण गरेका थिए ।

नगरपालिकाको विशेष अनुरोधमा एसडिसिको दुई करोड ४४ लाख वरावरको आर्थिक सहयोग तथा कारितास नेपाल र नवकिरण सेवा समाज नेपालको सहजिकरणमा २६ कार्तिकबाट नगरपालिकाले ११ वटै वडाका कृषकलाई बीउबिजन तथा सामग्री वितरण गरिरहेको छ ।

नगरपालिकाले ४ हजार ५३ घरपरिवारलाई बीउबिजन र कृषि सामगी वितरण गर्ने जनाएको छ ।
यो पनि पढ्नुहोस,धितुङका कृषकलाई बीउबिजन र कृषि सामग्री वितरण

२०७७ मंसिर १२ गते साँझ ७ :५१ मा प्रकाशित