समायोजन खबर खोटाङ, खोटाङमा तासको खालबाट चारजना पुरुष पक्राउ परेका छन् । धन, सम्पत्ती पैसा हारजित हुने गरी जुवा, तास, सट्टावाजी खेलिरहेको अवस्थामा दिक्तेल रुपाकोट मझुवागढी नगरपालिका–१ दिक्तेलस्थित त्रिवेणीचोकबाट उनीहरु पक्राउ परेका हुन् ।

पक्राउ पर्नेमा दिक्तेल रुपाकोट मझुवागढी नगरपालिका–१ दिक्तेलका ४६ वर्षीय सुजन ताम्राकार ३६ वर्षीय युधिर शाक्य, ४१ वर्षीय दिनेश कुमार केसी र सोही स्थानका ५५ वर्षीय विनोद उदास रहेको जिल्ला प्रहरी कार्यालय खोटाङका निमित्त प्रमुख प्रहरी निरिक्षक दिनेश प्रसाद खरेलले जानकारी दिनुभयो ।

खरेलका अनुसार बिहीबार राती ११ वजे विनोद उदासको कोठामा जुवा, तास, सट्टावाजी खेलिरहेको अवस्थामा आफ्नो कमाण्डमा गस्तीमा खटेको प्रहरी टोलीले उनीहरुलाई पक्राउ गरेको हो । उनीहरुको साथबाट कौडा २० थान, खुल्ला तास ५८० पिस, बन्द तास २ पाकेट, मकैको दाना २ सय, गलैचा २ पिस र नगद ४८ हजार ९९० रुपैयाँ बरामद गरिएको छ ।

पक्राउ परेका चारैजना विरुद्ध जुवा ऐन अन्तर्गत कारवाही गरिने खरेलले बताए । म्याद थपेर उनीहरु विरुद्ध कानुनी प्रक्रिया सुरु भएको छ ।२०७७ कार्तिक २१ गते दिउँसो २ :२९ मा प्रकाशित