समायोजन खबर खोटाङ, नेपाल पत्रकार महासंघ पाँचथरको भवन निर्माण भएको छ । निर्माण सम्पन्न पश्चात भवन संचालनमा ल्याइएको छ ।भवन निर्माणको लागि १ करोड २९ लाख अठासी हजार रुपैया लगानीमा भवन निर्माण सम्पन्न भएको हो ।

गत ०७६ जेठ बाट गोदार निर्माण सेवा प्रा।लि।ले आयोजनाको भवन निर्माण थालेको थियो । गत ०७७ वैशाखमा नै काम सक्नुपर्ने भएपनि लकडाउनको कारण कामदार नआएपछि ६ महिनाको म्याद थप गरी काम सकिएको महासंघले जनाएको छ ।

भवन निर्माण पश्चात पत्रकारहरुलाई काम गर्न तथा छलफल,अन्र्तक्रिया,पत्रकार सम्मेलन जस्ता कार्यक्रम गर्न सहज हुने महासंघका पाँचथर अध्यक्ष लवदेव ढुंगानाले बताए।

उनका अनुसार महासंघको भवन निर्माणका लागि प्रदेश १ सरकारले ७३ लाख ३८ हजार रुपैया,नयाँ शहर आयोजनाले ३० लाख रुपैया,फिदिम नगरपालिका,हिलिहाङ गाउँपालिका लगायत जिल्लाका अन्य सरकारी कार्यालयहरुको सहयोगमा भवन निर्माण गरिएको हो । महासंघको भवन भाडामा वस्दै आएको थियो । चाँडै भवनको उद्घाटन गरिने अध्यक्ष ढुंगानाले बताए।२०७७ कार्तिक १७ गते साँझ ७ :५१ मा प्रकाशित