समायोजन खबर खोटाङ, खोटाङका थप ६ जनामा कोरोना भाइरस (कोभिड–१९)को संक्रमण पुष्टि भएको छ । जिल्ला समन्वय समिति प्रमुख, प्रमुख जिल्ला अधिकारी, सहायक प्रमुख जिल्ला अधिकारी र प्रहरी प्रमुख प्रहरी नायब उपरिक्षकमा कोरोना संक्रमण देखिएपछि कन्ट्रायक ट्रेसिङ अन्तर्गत संकलन गरिएको स्वावको पिसिआर परिक्षण गर्दा आज ६ जनामा कोरोना संक्रमण देखिएको हो ।

कन्ट्रायक ट्रेसिङ अन्तर्गत गत बुधबार ६६ जनाको संकलन गरिएको स्वाव मध्येमा शुक्रबार २५ जनाको रिपोर्ट आउँदा ६ जनाको पिसिआर रिपोर्ट पोजेटिभ देखिएको जिल्ला अस्पताल खोटाङका निमित्त प्रमुख तथा मेडिकल अधिकृत प्रविण झाले जानकारी दिए ।

मेडिकल अधिकृत झाका अनुसार दिक्तेल रुपाकोट मझुवागढी नगरपालिका–१ दिक्तेलका २७, ३२ वर्षीय, निर्मलीडाँडाका ३४ वर्षीय, लफ्याङकी ५० वर्षीया महिला, लफ्याङकै ५२ वर्षीय र हलेसी तुवाचुङ नगरपालिका–७ महादेवस्थानका १ जना पुरुषमा कोरोना संक्रमण देखिएको हो । ४० जनाको पिसिआर परिक्षण हुन बाँकी रहेको छ ।

योसँगै जिल्लामा कोरोना संक्रमतिको संख्या ४४ पुगेको छ । हालसम्म २७ जनाले कोरोना जितेर घर फर्किसकेका छन् । सबैभन्दा बढी दिक्तेल रुपाकोट मझुवागढी नगरपालिकामा २५ जना संक्रमित छन् । १५ जना कोरोना जितेर घर फर्केका छन् ।

यो पनि,कोरोनाका कारण सरकारी कार्यालय धमाधम बन्द

यो पनि पढ्नुहोस,दिक्तेलबजारमा खाद्यान्न, इन्धन र औषधि पसल मात्रै खोल्न पाइने

२०७७ कार्तिक १४ गते साँझ ५ : २२ मा प्रकाशित