समायोजन खबर खोटाङ, देशभर ३ हजार ७९० जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार कुल संक्रमितको संख्या १ लाख ३६ हजार ३६ जना पुगेको छ।

स्वास्थ्य मन्त्रालयको नियमित प्रेस ब्रिफिङमा डा. जागेश्वर गौतमले जानकारी दिनु भएको जानकारी अनुसार पछिल्लो २४ घण्टामा १५ हजार ७१४ जनाको पिसिआर परीक्षण भएको छ ।

संक्रमणमुक्त हुनेको संख्या २४ घण्टामा २ हजार ३३५ छ। योसँगै हालसम्म ९४ हजार ५०१ जना निको भएका छन्। आज देशभर ४० हजार ७७८ जना सक्रिय संक्रमित छन्। पछिल्लो २४ घण्टामा थप १८ जनाको मृत्यु भएको छ । योसँगै मृतकको संख्या ७५७ पुगेको छ।

यस्तै, काठमाडौं उपत्यकामा पछिल्लो २४ घण्टामा कोरोना भाइरसका दुई हजार ३८८ जना सङ्क्रमित थपिएका छन् ।
मन्त्रालयले उपत्यकाका तीन जिल्लामध्ये काठमाडौंमा दुई हजार आठ, ललितपुरमा २८१ र भक्तपुरमा ९९ जना नयाँ सङ्क्रमित पहिचान गरिएको जनाएको छ ।२०७७ कार्तिक ३ गते साँझ ५ :५१ मा प्रकाशित